पौष्टीक धिरडी

साहित्य :
गव्हाची कणीक,
दाळीचं पीठ (बेसन),
पालक,
टोमॆटो,
कोथींबीर,
मीठ,
पाणी,
हळद,
लाल तिखट,
किंचित साखर,
तेल

कृती:

पालक व टोमॆटो धुवून वेगवेगळी पातळ पेस्ट करून ठेवावी. एक वाटी कणिकेत थोडं दाळीचं पीठ पालकची पेस्ट, मीठ, कोथींबीर चिरून, हळद थोडी साखर, लाल तिखट हे घालून सरसरीत भिजवावे. याचप्रमाणे टोमॆटोचे पीठ तयार करावे. व अर्धा तास मुरू द्यावे. तव्यावर थोडं तेल टाकून मध्यभागी टोमॆटोचे पीठ गोलाकार टाकावे. त्याभोवती पालकचे पीठ टाकावे. दोन्ही बाजूला थोडं थोडं तेल टाकून खरपूस भाजावे.

अवांतर: रोज पोळीला कंटाळा करणारी मुलं हे गंमत म्हणून आवडीने खातील. लसूण शेंगादाण्याच्या चटणीत दही घालून त्यासोबत हे खायला छान लागते.