पनीर मटर मसाला

साहित्य:
पनीर १ बाऊल
मटर १ बाऊल
कांदा १ (पेस्ट करून)
टोमॅटो २ (प्युरी करून)
क्रीम १/२ वाटी
लसूण पेस्ट १ चमचा
धने पूड पाव चमचा
जिरे पुड पाव चमचा
गरम मसाला अर्धा चमचा
लाल तिखट पावडर पाव चमचा
लाल रंग १ टी स्पून
मीठ चवी पुरतं
तेल फोडणी पुरतं

कृती:
कढईत तेल गरम करून त्यात कांद्याची पेस्ट परतून घ्यावी. थोडा लालसर रंग आला की त्यात लसूण पेस्ट घालावी व पुन्हा परतून घ्यावं. तेल सुटायला लागलं की त्यात टोमॅटोची प्युरी घालून एकत्र करावं. उकळी येऊन प्युरी दाट होत आली की त्यात गरम मसाला पावडर, लाल तिखट, धने - जिर्‍याची पुड घालून मिक्स करून घ्यावं. मिश्रणाला खमंग वास आला की त्यात पनीरचे तुकडे व मटर घालून मिक्स करुन झाकून एक वाफ येऊ द्यावी. शिजत आलं की त्यात चवी पुरतं मिठ घालून मिक्स करावं. सर्वात शेवटी खाण्याचा लाल रंग घालावा व पुन्हा एक वाफ येऊ द्यावी.